پیر , 05 اکتوبر 2020ء
(800) لوگوں نے پڑھا
قصور، زیر نظر خوبصورت تصویر جس میں آپ کو ہر مذہب کے نمائندہ نظر آئیں گے سکھ مذہب کے گوردوارے کے سامنے کی ہے۔ یہ گوردوارہ قصور کے علاقے کنگن پور میں واقع ہے۔ جہاں اب بھی سکھ مذہب کے پیروکار گوردوارے میں مذہبی فرائض سرانجام دیتے ہیں۔ یہ گوردوارہ شری پہلی پتشاہی کے نام سے جانا جاتا ہے۔ یہ قدیم گوردوارہ اور اس میں سکھوں کا عبادت کرنا اس بات کی نشاندہی کرتا ہے کہ پاکستان امن و آشتی کا پرستار ملک ہے اور مذہبی ہم آہنگی چاہتا ہے۔ حکومت پاکستان نے جہاں ماضی قریب میں سکھوں کے عظیم مرکز کرتارپور میں سکھ مذہب کے پیروکاروں کیلئے شاندار گوردوارہ کی عمارت تعمیر کرکے پوری دنیا سے سکھ مذہب کے پیروکاروں کو گوردوارے آنے کی دعوت دی ہے وہیں اس طرح کے ضلعوں میں موجود قدیم عبادت گاہوں کی بہترین نگہداشت کرنی چاہیں تاکہ بین المذاہب ہم آہنگی کو زیادہ سے زیادہ فروغ حاصل ہو۔
