ٹوبہ ٹیک سنگھ پولیس پر فائرنگ، جوابی فائرنگ سے ملزمان بھاگ گئے

تھانہ ٹوبہ ٹیک سنگھ پولیس کے مطابق علاقہ تھانہ رجانہ ضلع ٹوبہ ٹیک سنگھ  میں ملزمان کی گرفتاری کے لئے جانیوالی پولیس پارٹی پر فائرنگ ہوئی ہے۔ تفصیلات کے مطابق ہفتہ کے صبح 5.30 بجے محمد حسن ایس آئی انچارج چوکی مقبول شھید اور خضر حیات اے ایس آئی مع ملزم پولیس مقدمہ نمبر 565/20 بجرم 392 ت پ تھانہ رجانہ میں گرفتار رہزنی کے ملزم فیصل سلیم ولد محمد سلیم قوم بٹ سکنہ ڈاکخانہ بازار رجانہ کے انکشاف پر اسکے دیگر ساتھیوں کی گرفتاری و برآمدگی کے لئے جارہے تھے کہ لنک روڈ بھاگٹ سے 361 گ ب نزد جنگل پہنچے تو نا معلوم ملزمان نے آتشیں اسلحہ سے اپنے ساتھی کو چھڑوانے کے لئے پولیس پارٹی پر فائرنگ کر دی پولیس کی جوابی فائرنگ سے حملہ آور ملزمان جنگل میں چھپ گئے، حملہ آور ملزمان کی فائرنگ سے انکا گرفتار ساتھی ملزم فیصل زخمی ہوگیا وقوعہ کی اطلاع پر ایس ایچ او تھانہ رجانہ مع نفری اور ارد گرد کے تھانہ جات اور ایلیٹ کی نفری کے ساتھ موقع پر پہنچ گئے۔ پولیس کی جانب سے جنگل کا گھیراؤ کر کے ملزمان کا تعاقب شروع کر دیا گیا دوران سرچ حملہ آور ملزمان میں سے ایک ملزم نصراللہ عباد ولد عباد قوم راجپوت سکنہ 286 گ ب کو اسلحہ سمیت جنگل کے دوسری جانب نہر کے پاس سے گرفتار کر لیا گیا جسکے دیگر ساتھی ملزمان کی تلاش جاری ہے قبل ازیں اس علاقہ میں ڈاکو ناکہ لگا کر عوام کو لوٹنے کی کوشش کرتے رہیں ہیں۔ عوام الناس کی شکایت پر ڈی پی او ٹوبہ رانا عمر فاروق نے اس علاقہ میں پولیس کو گشت بڑھانے اور ناکہ بندی کی ہدائیت کی تھی- قوی امکان ہے کہ یہ وہی جرائم پیشہ افراد ہیں۔ پولیس کا کہنا تھا کہ دیگر ملزمان کو بھی جلد گرفتار کرکے کیفر کردار تک پہنچایا جائے گا۔