جمعرات , 15 اکتوبر 2020ء
(348) لوگوں نے پڑھا
ٹوبہ ٹیک سنگھ، ریجنل پولیس آفیسر فیصل آباد راجہ رفعت مختار نے ٹوبہ ٹیک سنگھ کا دورہ کیا۔ ڈی پی او ٹوبہ رانا عمر فاروق نے ان کا استقبال کیا آر پی او نے ڈسٹرکٹ پولیس لائنز میں ملازمان پولیس کے مسائل سننے اور ان کے حل کے لیے اردل روم لگایا۔ اردل روم میں اپیل ہاے کے سلسلہ میں ضلع پولیس ٹوبہ ٹیک سنگھ سے 25 افسران و ملازمان پیش ہوئے۔ آر پی او فیصل آباد نے افسران و ملازمان کے مسائل سنے اور ان کے حل کے لیے موقع پر احکامات جاری کیے۔ ضلع ٹوبہ ٹیک سنگھ میں اردل روم کے انعقاد کا مقصد ضلع پولیس ٹوبہ ٹیک سنگھ کے افسران و ملازمان کے مسائل کو ان کے ضلع میں خود آکر سننا ہے تاکہ پولیس ملازمین کو فیصل آباد ان کے آفس جانا نہ پڑے جس سے ان کے وقت کا ضیاع نہ ہو اور ملازمان بخوبی اپنی ڈیوٹی سر انجام دیں سکیں۔ اس کے علاوہ آر پی او فیصل آباد راجہ رفعت مختار نے ضلع ٹوبہ ٹیک سنگھ سے موصول ہونے والی شکایات اور درخواست ہائے کے فریقین کو سنا اور ان کے حل کے سلسلہ میں موقع پر احکامات جاری کیے۔
