گورنر پنجاب چوہدری محمد سرور کی ٹوبہ ٹیک سنگھ آمد

ٹوبہ ٹیک سنگھ گورنر پنجاب محمد سرور کی ماڈل سٹی پولیس اسٹیشن آمد، گورنر نے ٹوکن کے اجراء سے لے کر فرنٹ ڈیسک پر درخواستوں کی وصولی اور ایف آئی آر کے اندراج کے عمل کا معائنہ کیا۔ گورنرپنجاب چوہدری محمد سرور کو ڈپٹی کمشنر، عمرجاوید اورڈی پی اوراناعمرفاروق کے ہمراہ ماڈل سٹی پولیس اسٹیشن آمد کے موقعہ پرپولیس کےچاک وچوبند دستے نےسلامی دی۔ اس موقع پر گورنرپنجاب نے ایگل سکواڈ کے جوانوں میں گشت کے لیے موٹرسائیکل بھی تقسیم کیے۔گورنر پنجاب نے دورہ کے موقع پر تھانے میں سائلین اورقیدیوں سے سہولیات بارے پوچھاگورنرپنجاب چوہدری محمد سرور نے کہا کہ حکومت کہیں نہیں جانے والی حکومت اپنی مدت پوری کرے گی اورمہنگائی کامسئلہ حکومت کے لیے چیلنج ہے جوجلد حل کرلیاجائے گا۔ ایازصادق کی تقریر کے حوالے سے جواب دیتے ہوئے کہا کہ ایازصادق نے ملکی اداروں کونقصان پہنچایا ہے ملکی سالمیت کے حوالے سے ہرکسی کوفارن پالیسی پربات نہیں کرنی چاہیے۔ نوازشریف کی حوالگی کے متعلق کہا کہ حکومت اس بارے کیاکررہی ہےاسکا مجھے کوئی علم نہیں اورنوازشریف کووطن واپس لانے کے متعلق دونوں ممالک کےدرمیان ایساکوئی معاہدہ نہیں جسکے تحت نوازشریف کوواپس لایا جائے۔