جمعہ , 18 ستمبر 2020ء
(665) لوگوں نے پڑھا
ٹوبہ ٹیک سنگھ میں بلدیاتی انتخابات کے سلسلہ میں حلقہ بندیوں کی ابتدائی لسٹیں کل ڈسٹرکٹ الیکشن کمشنر آفس میں آویزاں کی جائیں گی۔ نئے بلدیاتی نظام میں شہروں میں وارڈ سسٹم ختم کردیا گیا۔ ضلع بھر کے شہروں میں 44 نیبر ہڈ کونسلز ہونگی۔ نیبر ہڈ کونسلز کی تفصیلات تحصیل طرز پر کچھ ایسی ہوں گی ٹوبہ ٹیک سنگھ میں 12، کمالیہ 12، گوجرہ 12 اور پیرمحل میں 8 نیبر ہڈ کونسلز قائم ہونگی جبکہ دیہات میں موجود 85 یونین کونسلز ختم کرکے پنچائت کونسلز قائم کی جائیں گی۔ ضلع بھر میں 520 پنچائت کونسلز ہونگی۔ تحصیل ٹوبہ ٹیک سنگھ میں 167، تحصیل گوجرہ میں 128، تحصیل کمالیہ میں 101، تحصیل پیرمحل میں 124 پنچائت کونسلز بنیں گی۔ حلقہ بندیوں پر اعتراضات 2 اکتوبر تک سنے جائیں گے جبکہ 25 اکتوبر کو حلقہ بندیوں کی حتمی لسٹیں جاری کردی جائیں گی۔
