سول اسپتال میں ٹھیکیدار کی پارکنگ پر لوگوں سے زیادہ پیسے وصول کئے جانے لگے

سول اسپتال ٹوبہ ٹیک سنگھ میں ٹھیکیدار کی پارکنگ پر لوگوں سے زیادہ پیسے وصول کئے جارہے ہیں۔ تفصیلات کے مطابق ڈسٹرکٹ ہیڈکوارٹر اسپتال میں آنے والے مریضوں اور انکے لواحقین سے موٹر سائیکل پارکنگ کے 20 روپے وصول کیے جا رہے ہیں جو کہ پنجاب گورنمنٹ کے طے کردہ ریٹ 10 روپے سے ڈبل ہیں۔ یاد رہے کہ جب ٹھیکہ کے لیے بولی دی جاتی ہے اس وقت واضح طور پر یہ بتایا جاتا ہے کہ پارکنگ ریٹ فی موٹر سائیکل 10 روپے گا لیکن ڈی ایچ کیو کا ٹھیکیدار من مانی کرتے ہوئے زیادہ پیسے وصول رہا ہے۔ احتجاج کی صورت میں ٹھیکیدار کے کارندے بدتمیزی پر اتر آتے ہیں۔  لوگوں نے ڈی سی ٹوبہ سے التماس کی ہے کہ شہریوں کی اس جائز شکایت کا مداوا کیا جائے اور جس طرح اے سی فیصل آباد نے الائیڈ اسپتال کی پارکنگ سے ناجائز وصولی پر ٹھیکیدار کے کارندوں کے خلاف کاروائی کی ہے اسی طرح ضلع ٹوبہ ٹیک سنگھ کی تمام سرکاری جگہوں پر قائم پارکنگ اسٹینڈ سے 10 روپے سے زیادہ وصولی کرنے والے ٹھیکیداروں اور انکے کارندوں کے خلاف کاروائی کی جائے اور انکے ٹھیکہ جات کینسل کیے جائیں۔