دوران ڈکیتی ملزم فائرنگ سے زخمی، پولیس نے زخمی ملزم کو گرفتار کرلیا

ٹوبہ ٹیک سنگھ، تفصیلات کے مطابق محمد شہزاد ولد محمد افضل قوم رانجھا سکنہ 385 ج ب نے پولیس 15 پر اطلاع دی کہ وہ ہمراہ اپنے کزن اللہ دتہ ولد طالب حسین بسواری موٹر سائیکل ٹوبہ سے اپنے گاؤں واپس جا رہے تھے کہ نہر کے پاس 2 نامعلوم مسلح موٹر سائیکل پر سوار ڈاکوؤں نے ہمیں اسلحہ کے زور پر روک کر لوٹنا شروع کر دیا اسی دوران میں نے موقع پاکر ایک ڈاکو کو پکڑنے کی کوشش کی تو دوسرے ڈاکو نے مجھ پر سیدھا فائر کردیا جوکہ مجھے نہیں بلکہ اسی کے ساتھی ڈاکو کو لگا۔ وقوعہ کی اطلاع پر ایس ایچ او تھانہ صدر معہ پولیس کی بھاری نفری موقع پر پہنچے اور تعاقب کر کے زخمی ڈاکو کو گرفتار کر لیا جس نے اپنا نام وقار لطیف ولد محمد لطیف قوم جٹ سکنہ 315 ج ب بتلایا۔ ملزم کی تلاشی پر ملزم کے قبضہ سے اسلحہ ناجائز ایک پسٹل 30 بور معہ گولیاں اور چھینا گیا پرس، شناختی کارڈ اور رقم برآمد ہوئی، واقعہ کا مقدمہ تھانہ صدر میں درج کرلیا گیا۔ ڈی پی او نے دوسرے ملزم کی گرفتاری کے لئے ڈی ایس پی صدر سرکل ٹوبہ کی سربراہی میں ٹیم تشکیل دے دی ہے جسکی تلاش جاری ہے۔ گرفتار ملزم وقار کا ریکارڈ چیک کرنے پر معلوم ہوا کہ وہ دوسرے راہزنی ڈکیتی اور ناجائز اسحہ کے مقدمات میں مطلوب تھا اسی طرح تھانہ موچیوالہ ضلع جھنگ کے مقدمہ میں دوران واردات زخمی کرنے کے مقدمے میں مطلوب تھا۔