پنجابی ثقافت سے مزین ٹوبہ ٹیک سنگھ میں ہونے والے ثقافتی میلے

ٹوبہ ٹیک سنگھ پاکستان پنجاب میں بھی دوسرے شہروں کی طرح ہر سال میلے ٹھیلے سجائے جاتے ہیں۔ ان میلوں پر شہری اپنی خوشی کا کوئی موقع ضائع نہیں ہونے دیتے۔ پنجاب کی ثقافت پنجابی میلے یہاں رہنے والوں کے لیے ایک خوشی کا سماں کی حیثیت رکھتا ہے۔ ان میلوں پر بچے بڑے بزرگ ناصرف خوب لطف اندوز ہوتے ہیں بلکہ کبڈی اور دیگر کھیلوں کو دیکھ کر خوب محظوظ بھی ہوتے ہیں۔ بچوں کے لئے ان میلوں پر جھولے اور کشتیاں لگائی جاتی ہیں تاکہ بچے بھرپور طریقے سے لطف اندوز ہوسکیں اور اچھل کود کر اپنے بچپن کا مزہ دوبالا کر سکیں۔ ان میلوں پر خاص قسم کے کھانوں کے اسٹال بھی سجائے جاتے ہیں جن میں گرما گرم جلیبیاں یا سردائی کا شربت بہت خاص اہمیت کا حامل ہے۔ ان میلوں پر خواتین کے  لیے بھی مختلف سٹال سجائے جاتے ہیں جہاں چوڑیاں رنگ برنگے پرندے اور خوبصورت ملبوسات رکھے جاتے ہیں جہاں سے خواتین اپنی پسند کے مطابق اشیا کی خریداری کرتی ہیں۔میلوں پر نوجوان ہلہ گلا کرتے دکھائی دیتے ہیں اور آج کے جدید دور میں بعض نوجوان تو ٹک ٹاک سٹار بننے کے چکر میں خطرناک کرتب بھی کرتے ہیں۔ ان کو روکنے کیلئے وہاں پولیس کی نفری بھی تعینات ہوتی ہے۔ تفریح سے بھرپور ان میلوں میں میں پنجابی ثقافت کی جھلک نمایاں طور پر دکھائی دیتی ہے جہاں ہر کوئی اپنا غم بھول کر کا خوشی میں مگن نظر آتا ہے ہر چہرے پر مسکراہٹ بکھری نظر آتی ہے اور ہر کوئی اپنی زندگی کا یہ پل بھرپور طریقے سے جینے کی کوشش کرتا ہے۔ آج کے جدید دور میں میں پنجابی ثقافت کو زندہ رکھنے کے لیے پنجاب کے ہر شہر میں کسی بھی روحانی بزرگ کے عرس پر ان میلوں کا انعقاد ایک اہم جزو سمجھا جاتا ہے۔