پیر , 31 اگست 2020ء
(238) لوگوں نے پڑھا
کمشنر فیصل آباد ڈویژن عشرت علی اور آر پی او راجہ رفعت مختار نے دورہ ٹوبہ ٹیک سنگھ پر مرکزی ماتمی جلوسوں کے روٹس پر سیکورٹی اور عزاداروں کیلئے سہولیات کی فراہمی چیک کیں، ڈپٹی کمشنر آمنہ منیر اور ڈی پی او رانا عمر فاروق نے بریفنگ دی، اس موقع پر اسسٹنٹ کمشنر رضوان الحق، ڈی ایس پی نعیم عزیز سدھو، چیف آفیسر میونسپل کمیٹی زاہد خلیل، ضلعی امن کمیٹی اور میڈیا نمائندگان دیگر افسران بھی انکے ہمراہ تھے، ڈویژنل کمشنر عشرت علی اور ریجنل پولیس آفیسر راجہ رفعت مختار نے تحصیل گوجرہ، کمالیہ اور پیر محل میں نکالے گئے تمام ماتمی جلوس روٹس پر ضلعی انتظامیہ کی طرف سے کئے انتظامات، سیکورٹی، حکومتی ایس او پیز کے ساتھ ساتھ امن و عامہ کی صورتحال بارے تفصیلی جائزہ لیا، کمشنر فیصل آباد عشرت علی نے کہا کہ اسلام ہمیں بھائی چارے کا درس دیتا ہے ہمیں چاہیے کہ اپنے شہروں میں امن کی فضاء کو برقرار رکھا جائے ،انہوں نے ماتمی جلوسوں کے منتظمین اور ضلعی امن کمیٹی کے ممبران سے گفتگو کرتے ہوئے کہا کہ امن کی فضاء کو برقرار رکھنے میں ممبران ضلعی امن کمیٹی، علماء کرام، میڈیا نمائندگان کا کردار اہم ہے،کمشنر عشرت علی اور آر پی او رفعت مختار نے، ماتمی جلوس روٹ، سی سی ٹی وی کیمروں کی تنصیب، پولیس، ایلیٹ فورس، سول ڈیفنس، ریسکیو1122، محکمہ ہیلتھ اور کنٹرول روم کا تفصیلی بھی معائنہ کیا جس پر ضلعی انتظامیہ کی جانب سے کیئے جانے والے انتظامات پر بے حد اطمینان کا اظہار کیا۔
