ماسک پہنے بغیر گھر سے کیوں نکلے؟ گھنٹہ گھر پر سزائیں

گھنٹہ گھر کے قرب و جوار میں گزشتہ روز پولیس و ضلعی انتظامیہ کرونا ایس او پیز پر عمل درآمد کے حوالے سے حرکت میں نظر آئی، فیس ماسک پہنے بغیر آنے والوں کی شامت رہی، درجنوں افراد کو گھنٹہ گھرکی حدود کی دیوار و جنگلے کے ساتھ گھنٹہ گھر کی طرف منہ کرکے دیر تک کھڑا رکھنے کی سزا دی گئی انتظامیہ و پولیس کے نمائندوں کی بڑی تعداد اس موقع پر موجود تھی، راہگیروں کے ساتھ ساتھ دکانوں اور دیگر ٹرانسپورٹروں، دفتران، بینکوں، کھانوں کے ہوٹلز، بس اسٹینڈز پر بھی ایس او پیز چیک کی گئیں اور سزائیں دی گئیں۔ عہدیداران کا کہنا تھا کہ کرونا وائرس کی آنے والی سنگین لہر کے تحت اقدام اُٹھایا گیا انتظامیہ ہر صورت ایس او پیز پر عمل درامد کروائی گی۔ ڈپٹی کمشنر محمد علی نے خود بھی کئی علاقوں میں ایس او پیز پر عملدرامد کے متعلق چیکنگ کی اس دوران کئی افراد کو ایس او پیز کی خلاف ورزی کرنے پر گرفتار بھی کیا گیا، 140 افراد پر مقدمات درج کئے گئے۔ دوسرے کئی علاقوں میں گرفتاریاں عمل میں لائی گئیں۔ ڈپٹی کمشنر نے  فیصل آباد بھر کے لوگوں سے پرزور درخواست کی کہ فیس ماسک کا استعال ہر صورت یقینی بنایا جائے۔