Naveed
جمعہ , 22 جنوری 2021ء
(622) لوگوں نے پڑھا
فیصل آباد میں گزشتہ دنوں پٹرولنگ پولیس کی فائرنگ سے جاں بحق ہونے والے وقاص کے قتل میں ایک اہم پیش رفت سامنے آئی ہے جس میں فائرنگ میں ملوث 4 ملزمان کو گرفتار کرلیا گیا۔ اہلکاروں کی گرفتاری سی سی پی او فیصل آباد کی مداخلت کے بعد عمل میں آئی۔ اے ایس آئی شاہد منظور سمیت 4 اہلکاروں نے وقاص پر نہ رکنے پر تعاقب کیا پھرالہ گاؤں کے قریب کار سوار کار چھوڑ کر بھاگے جس پر پولیس اہلکاروں نے فائرنگ کردی فائرنگ کے نتیجے میں وقاص کار ڈرائیور زخمی ہونے کے بعد ہسپتال پہنچنے کے بعد جاں بحق ہوگیا۔ ابتدائی رپورٹ کے مطابق پٹرولنگ اہلکاروں نے اختیار سے تجاوز کیا اور نہتے افراد پر فائرنگ کی۔ محکمانہ تحقیقات میں پٹرولنگ پولیس اہلکاروں کی غفلت کو بنیاد بناتے ہوئے ان کو گرفتار کیا گیا۔ پولیس کا کہنا تھا کہ قانون سے کوئی ماورا نہیں مقدمہ قائم کرکے انصاف کی فراہمی یقینی بنائی جائیگی۔
