Naveed
بدھ , 22 جولائی 2020ء
(209) لوگوں نے پڑھا
بدھ کے روز فیصل آباد میں پولیو کے سات کارکنوں کو بچوں کو قطرے پلانے کے دوران کورونا وائرس ایس او پیز کی پیروی نہ کرنے پر شوکاز نوٹسز جاری کردیئے گئے۔ انسداد پولیو مہم کے علاقائی انچارج اور دیگر 6 کارکنوں کو ضلعی انتظامیہ نے نوٹسز جاری کردیئے۔ نوٹسوں میں کہا گیا ہے کہ ارکان نے متعدد علاقوں کو چھوڑ دیا جہاں انہیں پولیو کے قطرے پلانے کے لئے جانا تھا۔ واضح رہے کہ وزیر اعظم کے معاون خصوصی برائے صحت ڈاکٹر ظفر مرزا نے تصدیق کی تھی کہ 32،000 سے زائد پولیو ورکرز زیادہ خطرہ والے علاقوں میں 800،000 بچوں کو پولیو کے قطرے پلائیں گے جبکہ کرونا وائرس کی ایس او پیز کی پابندی کریں گے۔ اس سال پاکستان میں پولیو کے 59 واقعات پہلے ہی رپورٹ ہو چکے ہیں۔ خیبر پختونخوا میں 21 کیس سب سے زیادہ درج ہوئے ہیں، سندھ میں 20، بلوچستان میں 14 اور پنجاب میں چار کیس درج ہوئے ہیں۔
