بدھ , 02 ستمبر 2020ء
(214) لوگوں نے پڑھا
ضلع فیصل آباد میں محکمہ صحت کی طرف سے نویں اور دسویں محرم کو عملہ کی چھٹیاں منسوخ کردی گئیں تھیں اور محکمہ صحت کے تمام طبی عملہ کو محکمہ صحت کی طرف سے لگائے جانیوالے کیمپس اور دیگر فرائض انجام د ینے کا پابند کیاگیا تھا تاہم دسویں محرم کو شہر بھر میں موبائل فون کی سروسز جام ہونے اور رابطے نہ ہونے پر متعدد مقامات پر طبی عملہ ڈیوٹی سے غائب ہوا۔ مانیٹرنگ ٹیم نے مختلف مقامات کا معائنہ کرتے ہوئے ڈسپنسر زین العابدین ‘سہیل طارق ‘زوار حسین اور دیگر عملہ کو ڈیوٹی سے غائب پایا۔ دیگر مقامات سے بھی طبی عملہ کے غائب ہونیکی اطلاعات ملی ہیں جس پر سی ای او ہیلتھ نے افسران کی شکایت پر محرم ڈیوٹی سے غائب ہونیوالے عملہ کو شوکاز نوٹس جاری کرتے ہوئے وضاحت طلب کر لی احکامات پر عملدرآمد اور فرائض میں غفلت کا مظاہرہ کرنیوالوں کیخلاف پیڈا ایکٹ کے تحت کارروائی عمل میں لائی جائیگی۔
