Naveed
بدھ , 10 فروری 2021ء
(569) لوگوں نے پڑھا
چک نمبر 215 ر ب ککوآنہ میں سیوریج کی نکاسی کے لئے پختہ نالے کی تعمیر کر دی گئی تفصیلات کے مطابق چک نمبر 215 ر ب ککوآنہ میں سیوریج کے گندے پانی نے عرصہ دراز سے تباہی مچا رکھی تھی سیوریج کا پانی پوری مارکیٹ اور بازاروں میں داخل ہونے سے کاروبار ختم ہو کر رہ گیا تھا وہیں لوگ گھروں سے نکلنے سے قاصر تھے یہی نہیں سیوریج کا گندہ پانی گورنمنٹ گرلز ہائی سکول میں بھی داخل ہونے سے سکول جوہڑ کا منظر پیش کر نے لگا تھا جہاں سکول کی دیواریں خستہ حالی کا شکار ہو گئی تھیں وہیں کمروں کے گرنے کا بھی خدشہ لاحق ہو چکا تھا کوویڈ کے بعد اسکول کھلنے سے سکول جانے کے لئے راستہ نہ ہونے سے سکول سٹاف اور طالبات اور والدین سخت اذیت سے دوچار تھے منتخب نمائندے اور ارباب اختیار کو بارہا آگاہ کیا گیا لیکن بدقسمتی سے ان کی سنوائی نہیں ہوسکی اور اس سنجیدہ مسئلے کو سب نے نظر انداز کر دیا تب علاقے کی سماجی و صحافی شخصیت اصغر ڈوگر نے اپنی مدد آپ کے تحت سیوریج کے لئے پختہ نالہ بنانے کا پلان بنایا اس مقصد کے لئے انہوں نے اپنے ساتھ علاقے کے مقامی اور بھی نوجوانوں کو شامل کیا اور دوستوں کے تعاون کے ساتھ آخر کار ایک ہفتے میں پختہ نالہ تعمیر کروا دیا گیا جس سے پورے علاقے نے سکھ کا سانس لیا اہل علاقہ نے اصغر ڈوگر کا شُکریہ ادا کیا تاجر برادری نے بھی ان کے اس کام کی تعریف کی۔
