Naveed
جمعرات , 21 جنوری 2021ء
(631) لوگوں نے پڑھا
ڈجکوٹ میں پولیس کے اشارے پر نہ رکنے پر پٹرولنگ پولیس نے کار سواروں پر فائرنگ کردی۔ فائرنگ سے ایک شخص جاں بحق جبکہ 3 شدید زخمی ہوگئے ہیں۔ ہلاک ہونے والے شخص کا نام سردار وقاص اور تعلق چک نمبر 475 گ ب سمندری سے بتایا گیا۔ مذید بتایا گیا ہے کہ ہلاک ہونے والا شخص ایس ایچ او نوید پہلوان کا رشتہ دار ہے۔ واقعے کے بعد ہلاک ہونے والے سردار وقاص کے لواحقین نے سڑک بلاک کرکے احتجاج کیا دونوں اطراف کے روڈز کو ٹریفک کے لئے بند کردیا گیا۔ سڑک کی بندش کے بعد گاڑیوں کی قطاریں لگ گئیں۔ لواحقین احتجاج کرتے ہوئے آہ و زاری کررہے تھے کہ پولیس نے ناحق ہمارے نوجوان کو قتل کیا۔
