اربن ٹرانسپورٹ سوسائٹی کی نئی اسکیم سے عوام خوش

ڈویژنل کمشنر ثاقب منان کی زیر صدارت فیصل آباد اربن ٹرانسپورٹ سوسائٹی کے اجلاس میں فیصلہ ہوا ہے کہ شہریوں کو آرام دہ سفری سہولیات کی فراہمی کے سلسلے میں تحصیلوں سمیت اندرون شہر تک آمدورفت کے لئے فیصل آباد اربن ٹرانسپورٹ سوسائٹی کے زیر اہتمام 17 نئے روٹس پر اربن ٹرانسپورٹ چلائی جائیں گی۔ روٹس کی تعین کرتے ہوئے عوام کی سہولت کا خاص خیال رکھا گیا اسکیم سے محنت کشوں،طالب علموں سمیت ہر طبقے کے شہری کو فائدہ ہوگا۔ روٹس کا سلسلہ ایسا ہوگا روٹ بی 1 میں ٹرمینل بالمقابل امین پور بازار سے جڑانوالہ تک براستہ چنیوٹ بازار، جی ٹی ایس، ریلوے اسٹیشن، عبداللہ پور، کوہ نور، ڈھڈی والا، پھاٹک 209، سنٹرل جیل، مکوآنہ، محمد والا، کھوئی، اواگت، جھال، لکڑمنڈی روڑ، جی ٹی ایس جڑانوالہ سے ہوتی ہوئی ریلوے اسٹیشن جڑانوالہ جائے گی اسی طرح بی 2 غلام محمد آباد سے ڈی ٹائپ چوک، بی 3 گٹی ڈرائی پورٹ سے ایئرپورٹ، بی 4 میں ٹرمینل سے تاندلیانوالہ ،بی 5 ساہیانوالہ انٹر چینج سے روشن والا بائی پاس بی 6 چک 204 مدینہ ٹاؤن سے امین پور بنگلہ، 7 جنرل بس اسٹینڈ سے پینسرہ، بی 8 نیو سبزی منڈی سے چک جھمرہ، بی 9 میں ٹرمینل سے سمندری مرید والا، بی 10 پروکیانوالہ سے کھچیاں/برنالہ، بی 12 مین ٹرمینل سے کھرڑیانوالہ، ڈبلیو 13 سجاد والا سے عباس پور، ڈبلیو 14 دربار قائم سائیں سے ستیانہ، ڈبلیو 15 کھرڑیانوالہ سے ڈی ٹائپ، ڈبلیو 16 مکوآنہ بائی پاس سے کمال پور انٹرچینج، 19روٹ جنرل بس سٹینڈ سے ڈجکوٹ سرشمیراور 20شاداب پلی سے پل ڈینگروسرگودھا روڈ تک اسکیم میں شامل ہوں گے۔ فیصلے پر عوام کی جانب سے انتہائی مثبت ردعمل آیا ہے اور عوام کی جانب  سے تشکر کا اظہار کیا گیا۔