فیصل آباد میں پاکستان کبڈی ٹیم کے کھلاڑی زبیر بلوچ کو قتل کردیا گیا، قاتل بھی کبڈی کا کھلاڑی نکلا

 فیصل آباد میں افسوس ناک واقعہ پیش آیا جہاں پاکستان کبڈی ٹیم کے کھلاڑی کی زندگی پرانی دشمنی کی بھینٹ چڑھ گئی۔ زبیر بلوچ کوان کے آبائی گاوٗں مدینہ ٹاؤن کےعلاقے  چک نمبر 199رب میں اسنوکر کلب میں گھات لگاکر گولیاں ماری گئیں۔ ملزمان قتل کے بعد موقع سے فرار ہوئے۔ عینی شاہدین کے مطابق دیرینہ رنجش پر ملزم علی اور دیگر ساتھیوں نے کبڈی ٹیم کے نیشنل پلیئر زبیر بلوچ کو قتل کیا۔ علی رضا مکھی خود بھی کبڈی ٹیم کا کھلاڑی ہے دونوں کے درمیان ایک سال سے کشیدگی چل رہی تھی۔یاد رہے کہ چند روز پہلےفیصل آباد کے قریب کوکیاں والا میں جھگڑے کے دوران کھلاڑی اور کوچز سمیت متعدد افراد زخمی ہوئے تھے۔ فیصل آباد کوکیاںوالہ میں پروکیانوالہ اور سلطان ٹاؤن کی ٹیموں کے درمیان کبڈی میچ جاری تھا، میچ میں کھلاڑیوں کی تعداد برابر نہ ہونے پر جھگڑا شروع ہوا، جو بحث و تکرار کے بعد ہاتھا پائی تک جاپہنچاتھا۔ پولیس کی موجودگی میں جھگڑا ہوا لیکن پولیس نے کسی بھی فریق کے خلاف کارروائی سے گریز کیا تھا۔  قومی کبڈی ٹیم کے ممتاز کھلاڑی زبیر بلوچ پاکستان آرمی کی نمائندگی کرتے تھے