جمعرات , 01 اکتوبر 2020ء
(445) لوگوں نے پڑھا
محکمہ تعلیم نے سرکاری سکولوں میں کم داخلوں کا نوٹس لے لیا. فیصل آباد کے 45 ہائی اور ہائر سیکنڈری سکول اب تک صرف 150 بچوں کے داخلے ہوسکے ہیں۔ فیصل آباد کے سرکاری سکولوں میں بچوں کے داخلوں کی تعداد تسلی بخش نہ رہ سکی۔ محکمہ تعلیم فیصل آباد کی طرف سے کم داخلوں کا نوٹس لیتے ہوئے سکول سربراہان کے خلاف محکمانہ کارروائی کا آغاز کردیا گیا۔ ڈی او سیکنڈری ایجوکیشن افتخار خان کی طرف سے ضلع بھر کے 45 ہائی اور ہائر سیکنڈری سکولوں کو اب تک 150 بچے بھی داخل نہ کرسکنے پر نوٹسز بھجوا دیئے گئے ہیں۔ سکول سربراہان سے تحریری وضاحت کے ساتھ ساتھ انہیں ذاتی شنوائی کیلئے بھی ڈی او سیکنڈری آفس بلوا لیا گیا ہے۔ سکول سربراہان کو داخلہ بڑھانے کی ہدایت کی گئی ہے۔ داخلوں کا ٹارگٹ پورا نہ کرنے والوں میں تحصیل جھمرہ کے 11 سکول، تحصیل سٹی کے 6 سکول، تحصیل صدر کے 14، تحصیل سمندری کے 6، تاندلیانوالہ کے 4 اور جڑانوالہ کے 4 سکول شامل ہیں۔
