پیر , 07 دسمبر 2020ء
(180) لوگوں نے پڑھا
شہید کانسٹیبل عامر شہید کی معصوم بیٹی نے سی پی او فیصل آباد سہیل چوہدری کے نام معصومانہ پیغام دیا ہے۔ سی پی او انکل آپ میرے بابا کو لیکرآ ئیں گے نا میں آپ کا انتظار کرونگی۔ سی پی او انکل سب کہتے ہیں کہ اریبہ کے بابا شہید ہو گئے ہیں جبکہ ماما کہتی ہیں نہیں بیٹا آپکے بابا ڈیوٹی پر گئے ہوئے ہیں۔ سی پی او انکل کیا میں آپکی بیٹی نہیں ہوں میرے بابا کو گھر بھیج دو۔ سب کے بابا شام کو گھر آتے ہیں میرے بابا کیوں نہیں آتے، سب کے بابا چیزیں لیکر آتے ہیں میرے بابا میرے لئے چیزیں لیکر کیوں نہیں آتے۔ سی پی او انکل پلیز میرے بابا کو بھیج دو میں اپنے بابا کو یاد کر بہت روتی ہوں۔ پلیز آپ میرے بابا کو لیکر آؤ۔ یاد رہے کانسٹیبل عامر فیصل آباد میں اپنی ڈیوٹی کے دوران ٹارگٹ کلرز کے حملے میں زخمی جبکہ بعدازاں شہید ہو گئے تھے انکی آج چھٹی برسی ہے، جنکی سات سالہ معصوم بیٹی اریبہ روز ہی اپنے والد کی تصویر پکڑ کے روتی رہتی اور جذباتی انداز میں باتیں کرتی رہتی ہے۔
