منگل , 01 ستمبر 2020ء
(201) لوگوں نے پڑھا
فیصل آباد کے علاقے جھمرہ روڈ میں گھریلو جھگڑوں اور حالات سے دلبرداشتہ خاتون نے زہریلی گولیاں کھا کر خود کشی کرلی جبکہ خاتون سمیت دو افراد کو تشویشناک حالت میں ہسپتال منتقل کر دیا گیا۔ تفصیلات کے مطابق گھر والوں سے جھگڑ کر گندم میں رکھنے والی گولیاں کھا کر جھمرہ روڈ کی 23 سالہ اقراء زوجہ رشید نے خودکشی کر لی۔ ہسپتال انتظامیہ نے ضروری کارروائی کے بعد نعش ورثاء کے حوالے کر دی جبکہ گھریلو حالات سے تنگ آ کر جھنگ روڈ کی 26 سالہ مدیحہ زوجہ رضا نے بلیچ پی لیا جبکہ حالات سے تنگ 201 گ ب کے 20 سالہ نیک محمد ولد کریم بخش اور لیہ کے 35 سالہ امین ولد عبدالحمید کو زہریلی گولیاں کھانے پر تشویشناک حالت میں ہسپتال لایا گیا جہاں پر ڈاکٹرزانکی جان بچانے کیلئے کوشاں ہیں۔
