پیر , 26 اکتوبر 2020ء
(178) لوگوں نے پڑھا
صوبائی وزیرپنجاب حافظ ممتاز احمد کا کہنا ہے کہ پاکستان تحریک انصاف کی حکومت ملک کو حقیقی ترقی دلانے کے لیے کوشاں ہے۔ انہوں نے کہا کہ تعلیم صحت جیسی بنیادی ضروریات ان کی ترجیحات میں شامل ہے۔ لڑکیوں کے لیے یکساں تعلیمی مواقع پیدا کرنا وقت کی ضرورت ہے۔ یہ بات انہوں نے سمندری کے چک نمبر 46 گ ب سکھیرا میں گورنمنٹ گرلزکالج کی افتتاحی تقریب سے خطاب کرتے ہوئے کہی۔ ان کا کہنا تھا کیہ تعلیم کے بغیر معاشروں کی ترقی نا ممکن ہے ۔ ہمیں تعلیم پر سرمایہ کاری کرنی ہے تاکہ کوئی بھی بچہ اسکول جانے سے محروم نہ رہے ۔ اس سے پہلے انہوں نے گرلز کالج کا افتتاح کیا جہاں پر سینکڑوں علاقہ مکینوں نے ان کا زبردست استقبال کیا ۔ بعد ازاں سمندری 203 گ ب سے مسلم لیگ ن کے رہنما میاں شفیق نے اپنے ساتھیوں کے ہمراہ م پی ٹی آئی میں شمولیت کا اعلان کیا۔ میاں شفیق کا کہنا تھا کہ صوبائی وزیرحافظ ممتاز احمد عوام کے لیے شب و روزکام کر رہے ہیں ہمیں ایسےمخلص افراد کو مضبوط کرنا ہے ۔
