آئی جی پنجاب انعام غنی نے پولیس میں تقرر و تبادلے کی پالیسی کا اعلان کردیا

آئی جی پنجاب پولیس انعام غنی کی جانب سے جاری ہونے والی پالیسی کے مطابق انٹر ڈسٹرکٹ انٹر ریجن میں تقرر وتبادلے مستقل بنیادوں جبکہ ضلع اور ریجن سے دوسرے یونٹ آف پنجاب پولیس میں تبادلے مدت ملازمت اور محکمہ پولیس سے دوسرے محکموں یا صوبوں میں ٹرانسفر ڈیپوٹیشن بنیادوں پر ہو گی اور باہمی تبادلہ کروانے والوں کے کیسز کو الگ الگ دیکھا جائیگا، جونیئر رینک کے کانسٹیبل سے سب انسپکٹر تک کے پولیس ملازمین وافسران کی ایک ضلع سے دوسرے ضلع میں ٹرانسفر ان کی درخواست سنٹرل پولیس آفیسرز کو بھجوائی جائے گی جبکہ پی سی کوٹہ کے تحت تقرر وتبادلے میں سی پی او لاہور، آر پی اوز، سی پی اوز اور ڈی پی اوز کی مشاورت سے کیے جائیں گے جبکہ محکمہ پولیس سے دوسرے سرکاری محکموں میں جانے والے ملازمین کے تقرر وتبادلے ویڈلاک پالیسی کے تحت کیے جائیں گے۔ پالیسی میں مزید بتایا گیا کہ سنٹرل پولیس آفس لاہور کی اسٹیبلشمنٹ برانچ پی سی کے کوٹہ کی آئوٹ کریگی جونیئر رینک آفیسر کانسٹیبل تا سب انسپکٹرز اپنے رہائشی ضلع ریجن سے دوسرے ضلع یا ریجن میں ٹرانسفر ہونے والے ملازمین کو اپنے رہائشی اضلاع میں 10سال کی سروس لازمی مکمل کرنا ہو گی جبکہ سی ٹی ڈی میں جانے والوں کی مدت ملازمت 5 سال مقررہ کی گئی ہے۔