بدھ , 16 ستمبر 2020ء
(470) لوگوں نے پڑھا
میڈیکل سپرنٹنڈنٹ فیصل آباد انسٹی ٹیوٹ آف کارڈیالوجی ڈاکٹر ظفر عباس خاں نے جنرل سیکرٹری ہارٹ سیور فائوٗنڈیشن کاشف فاروق سے ادویات کا عطیہ وصول کیا جو مخیر حضرات کی طرف سے فراہم کی گئی ہیں۔ اس موقع پر میڈیکل سوشل آفیسر آسیہ فقیر حسین، مینجر ہارٹ سیور عاصمہ مزمل، محمد اشرف ودیگر بھی موجود تھے۔ میڈیکل سپرنٹنڈنٹ نے مریضوں کی فلاح وبہبود اور علاج معالجہ کے لئے ادویات کے عطیہ پر ہارٹ سیور فاوٗنڈیشن کے عہدیداران اور مخیر حضرات کا شکریہ اداکیا اور کہا کہ وہ ہمیشہ ہسپتال کے لئے ادویات اور دیگرطبی ضروریات، کا بندوبست کرتے ہیں جن کی خدمات ناقابل فراموش ہیں۔انہوں نے جنرل سیکرٹری ہارٹ سیور فائونڈیشن کو بہترین فلاحی خدمات پر ہسپتال کی طرف سے تعریفی اسناد بھی دیں۔ کاشف فاروق نے بھرپور حوصلہ افزائی پر میڈیکل سپرنٹنڈنٹ کا شکریہ ادا کیا اور اپنے عزم کو دہراتے ہوئے کہا کہ مستحقین کی فلاح وبہبود کے لئے اقدامات جاری رکھے جائیں گے۔
