جمعہ , 14 اگست 2020ء
(205) لوگوں نے پڑھا
ملک بھر کی طرح فیسکو ہیڈ آفس فیصل آباد میں بھی پاکستان کا 73 واں جشن آزادی بھرپور جوش و خروش سے منایا گیا۔ چیف ایگزیکٹیو آفیسر فیسکو شفیق الحسن نے پرچم کشائی کی اس موقع پر ریجنل چیئرمین فیسکو چوہدری سرفراز احمد بندل ، فیسکو اہلکار اور افسران کی بڑی تعداد بھی موجود تھی ۔ تقریب کے آخر میں کیک بھی کاٹا گیا۔ حاضرین سے خطاب کرتے ہوئے شفیق الحسن کا کہنا تھا کہ پاکستان بے پناہ قربانیوں کے بعد وجود میں آیا ہے ہمیں اس کی قدر کرنی چاہیے ملک کو ترقی کی شاہراہ پر گامزن کرنے کے لیے پہلے سے زیادہ محنت اور ایمان داری سے کام کرنا ہے ۔ انہوں نے کہا کہ ہر کوئی اپنی ذمہ داری احسن طریقے سے ادا کرے گا تو وہ دن دور نہیں جب پاکستان دور حاضر کے چیلنجز کا مقابلہ کرے گا۔
