جمعہ , 21 اگست 2020ء
(137) لوگوں نے پڑھا
فیصل آباد کے علاقے تھانہ غلام محمد آباد کے اسٹاف کی جانب سے اپنی مدت ملازمت پوری ہونے پر ریٹائر ہونیوالے کانسٹیبل محمد ارشاد کے اعزاز میں سادہ مگر پروقار الوداعی تقریب منعقد کی گئی ۔ تھانے کے عملے نے ساتھی پولیس اہلکار کو پھولوں کے ہار پہنائے، تحائف دیئے اور نیک تمناوٗں کا اظہار بھی کیا ۔ تھانہ انچارج کا کہنا تھا کہ کانسٹیبل محمد ارشاد پولیس کا ایک ایماندار اور فرض شناس اہلکارہے جس نے اپنی ملازمت ایمانداری سے انجام دی ۔ کانسٹیبل محمد ارشاد نے ساتھیوں کا شکریہ ادا کیا ۔ ان کا کہنا تھا کہ تھانے کے ساتھی پولیس اہلکاروں کی محبت ہمیشہ یاد رہےگی۔ تقریب کے آخر میں عصرانہ دیا گیا۔
