Naveed
پیر , 04 جنوری 2021ء
(415) لوگوں نے پڑھا
فیصل آباد، ریسکیو 1122 اور 15 پر جعلی کال کرنے والوں کو دھرلیا گیا۔ پولیس کا کہنا تھا ان دونوں ملزمان نے کینال روڈ ٹھٹہ پل کے حوالے سے ریسکیو 1122 اور 15 کو جعلی کال کی کہ نہر میں لاش تیر رہی ہے جس کے بعد ریسکیو اور پولیس کی ٹیمیں جائے وقوعہ پر پہنچیں تو وہاں کوئی لاش نہیں تھی اور وہاں لوگوں سے بھی معلوم کیا لیکن کسی نے ایسی کسی بات کی تصدیق نہیں کی بعد ازاں پولیس نے نمبرز سے کال آنے والوں کو ٹریس کیا جس کے بعد معلوم ہوا کہ کال کرنے والے کا نام حیدر علی اور اس کا تعلق مدینہ ٹاؤن سے تھا۔ پولیس نے فوری چھاپہ مار کے ملزم کالر اور اس کے ایک ساتھی کو دھرلیا۔ پولیس کا کہنا تھا کہ ملزمان کے خلاف گمراہ کیے جانے کا مقدمہ چلایا جائے گا۔ دونوں کو حوالات میں بند کردیا گیا۔
