ہفتہ , 22 اگست 2020ء
(363) لوگوں نے پڑھا
دوسری محرم الحرام کو ضلع بھر میں 183مجالس اور 04جلوس نکالے جائیں گے جن میں جڑانوالہ ڈویژن میں سب سے زیادہ 53 مجالس ، اقبال ڈویژن میں 49 ، صدر ڈویژن میں 35 ، مدینہ ٹائون ڈویژن میں 32اور لائلپور ڈویژن میں 14 مجالس کا اہتمام کیا جائے گا جبکہ اقبال ڈویژن میں سب سے زیادہ 02 جلوس ، مدینہ ٹائون ڈویژن میں 01 جلوس اور صدر ڈویژن میں بھی 01 جلوس نکا لا جائے گا ،جن کی سیکیورٹی کیلئے 05ایس پیز ، 13 ڈی ایس پیز ، 09 انسپکٹر ، 47 سب انسپکٹر ، 163 اے ایس آئی ، 1150 سے زائد جوانوں کے ساتھ ساتھ 400 و لنٹیرز بھی تعینات کیے گئے ہیں اور 10 ایلیٹ اور 10 QRF کی ٹیمیں شہر کے گردونواح میں گشت کرتی رہیں گی۔ جلوسوں کیلئے 04 پرت حصار قائم کیے گئے ہیں جن میں سب سے پہلے و لنٹیرز کے ذریعے بندے کی شناخت اور سرچ کی جائے گی ، دوسرے مرحلے میں خواتین و حضرات مجلس کے ذریعے ایک راستے سے داخل ہو سکیں گے تیسرے مرحلے میں واک تھرو گیٹ میٹل ڈیٹیکٹر سے سویپنگ کی جائے گی جبکہ چوتھے اور آخری مرحلے میں عبادت گاہوں کے ہال میں بھی سیکیورٹی تعینات کی جائے گی تاکہ محرم الحرام میں امن و امان کو یقینی بنایا جا سکے۔
