منگل , 06 اکتوبر 2020ء
(216) لوگوں نے پڑھا
فیصل آباد تعلیمی بورڈ نے انٹرمیڈیٹ پارٹ سیکنڈ کے سپیشل امتحان 2020ء کی ڈیٹ شیٹ کا اعلان کردیا‘پہلا پرچہ 10اکتوبر کو ہوگا‘نوید حسین قریشی کنٹرولر امتحانات کی طرف سے جاری کردہ ڈیٹ شیٹ کے مطابق 10اکتوبر سے شروع ہونے والے امتحانات 24اکتوبر کو ختم ہوں گے‘بورڈ کی طرف سے جاری کردہ ہدایات کے مطابق کرونا وائرس کی وجہ سے صرف انٹرمیڈیٹ پارٹ سیکنڈ کیلئے سپیشل امتحان کا انعقاد کیا جارہا ہے ‘امتحان دینے والے طلبہ اور عملہ کو کرونا بچائو ایس او پیز پر سختی سے عملدرآمد لازمی بنانا ہوگا‘پہلے گروپ کا پرچہ صبح ساڑھے 8بجے اور دوسرے گروپ کا پرچہ دوپہر ڈیڑھ بجے شروع ہوا کریگا جبکہ جمعہ کے دن دوسرے گروپ کا پرچہ اڑھائی بجے شروع ہوگا۔
