بدھ , 19 اگست 2020ء
(542) لوگوں نے پڑھا
محرم الحرام کی آمد کے باعث بغیر نمبر پلیٹ چلنے والی موٹر سائیکلوں اور دیگر گاڑیوں کے خلاف سخت کارروائی کی ہدایت کردی گئی ہے۔ ٹریفک پولیس کے حکام ، وارڈنز و دیگر اہلکاروں سے کہا گیا ہے کہ محرم الحرام کی آمد سے قبل بالعموم اور عشرہ محرم الحرام کے دوران بالخصوص کسی بھی ناخوشگوار واقعہ سے بچنے کیلئے ایسے موٹر سائیکل سواروں کے خلاف بلا امتیاز کارروائی عمل میں لائی جائے اور بغیر نمبر پلیٹ گاڑیوں کو تھانوں میں بند کر دیا جائے۔ سٹی ٹریفک پولیس فیصل آباد کے ترجمان نے بتا یا کہ عوام الناس کو ہدایت کی گئی ہے کہ وہ محرم سے قبل اور ا س کے دوران قانون نافذ کرنیوالے اداروں سے مکمل تعاون کریں اور بغیر نمبر پلیٹ موٹر سائیکلوں کے استعمال سے گریز کیا جائے تاکہ انہیں بعد ازاں کسی پریشانی کا سامنا نہ کرنا پڑے۔ عوام محرم کے بعد بھی قانون پر عمل درآمد کو اپنی عادت بنائیں تاکہ کسی بھی پریشانی سے بچ سکیں۔
