بدھ , 02 ستمبر 2020ء
(485) لوگوں نے پڑھا
عشرہ محرم کے دوران دن رات جانفشانی، محنت اور لگن کے ساتھ بہترین سکیورٹی انتظامات اور پیشہ وارانہ خدمات ایک سپاہی سے لے کر اعلی افسر نے انجام دیا ۔ لیکن تعریفی اسناد صرف فیصل آباد ڈویژن کے پولیس افسران میں تقسیم کی گئیں ۔ اس حوالے سے ایک تقریب پولیس ہیڈآفس فیصل آباد میں منعقد ہوئی ۔ جس میں سٹی پولیس آفیسر فیصل آباد محمد سہیل چوہدری نے تمام افسران میں اسناد تقسیم کیں ۔ یہاں یہ امر قابل توجہ ہے کہ کیا محرم الحرام میں ساری سیکورٹی کی ذمہ داری صرف پولیس کے اعلی افسران نے نبھائی تھی جو صرف انہیں تعریفی اور ستائشی اسناد سے نوازا گیا ۔ جو چھوٹے رینک کے پولیس اہلکا ر مستقل کئی کئی گھنٹے کھڑے رہ کردن رات ڈیوٹی دیتے رہے ان کو کیوں نظر انداز کردیا گیا ان کی محنت کو کب سراہا جائے گا ۔ یہ تو پھر وہی بات ہوگئی کہ، اندھا بانٹے ریوڑھیاں اپنوں اپنوں میں ۔
