گھنٹہ گھر اور اردگرد 8 بازاروں کی خوبصورت تصویر اور انگریزی استبداد و جبر

فیصل آباد کے رہائشیوں کے لئے یہ تصویر زیادہ اجنبی نہیں ہونی چاہیئے چلیں ہم آپ کو اس خوبصورت تصویر کا تعارف کراتے ہیں یہ تصویر خوبصور گھنٹہ گھر اور ارد گرد 8 مشہور بازاروں کی ہے جو فضا سے لی گئی ہے۔ علاقے کے ڈیزائن کا ماڈل انگریز دور میں بنایا گیا تھا جبکہ یہاں تک کہا جاتا ہے کہ فیصل آباد انگریز راج کے برصغیر پاک و ہند کا پہلا منصوبہ بند شہر تھا۔ ایک جگہ لکھا گیا ہے پرانے لیال پور میں گھنٹہ گھر اور ارد گرد کو اس طرح ڈٰیزائن کرنے کا انگریز کا ایک مقصد یہ بھی تھا کہ یہ ڈیزائن برطانیہ کے جھنڈے سے مماثلت رکھتا ہے جو انگریز یادگار کی  یہاں تاریخی نشانی کے طور پر موجود رہے گی اس ڈیزائن کی خوبصورتی اپنی جگہ لیکن آزاد قوم کی حیثیت سے فیصل آباد کے رہائشی ہر روز اس ڈیزائن کو اپنے پیروں تلے روند کر انگریزی استبداد کے دور کے جابرانہ تسلط کی مذمت کرتے ہیں اسی انگریزی استبداد کے دور میں برصغیر پاک و ہند کا خطہ جو کسی وقت میں سونے کی چڑیا سمجھا جاتا تھا، انگریز کے راج کے آنے کے بعد میں یہاں درجنوں چھوٹے بڑے قحط آئے جس سے لاکھوں انسانوں کو اپنی جانوں سے ہاتھ دھونا پڑا۔ انگریز کی برصغیر میں ترقیاتی کاموں کے بجائے ظلم کی فہرست کئی درجے زیادہ طویل ہے۔