Naveed
اتوار , 30 اگست 2020ء
(391) لوگوں نے پڑھا
فیصل آباد میں یوم عاشورہ کے جلوس اور تعزیے نکالے گئے جو اپنے مقرر کردہ راستوں سے ہوئے منزل پر اختتام پذیر ہوئے ۔ اس دوران شہر بھر میں انتظامیہ نے موبائل سروس معطل کی ہوئی تھی جبکہ موٹر سائیکل کی ڈبل سواری پر بھی پابندی عائد رہی۔ فیصل آباد پولیس کی طرف سے یوم عاشورہ کے موقع پر سکیورٹی کے سخت انتظامات کیے گئے تھے۔ محمد سہیل چوہدری سٹی پولیس آفیسر فیصل آباد اور سید علی رضا ایس ایس پی آپریشنز خود سکیورٹی انتظامات کا جائزہ لیتے رہے۔ مجالس اور جلوسوں کی نگرانی اور سکیورٹی کو یقینی بنانے کیلئے سی سی ٹی وی اور ڈرون کیمرہ جات استعمال کیے گئےسٹی پولیس آفیسر اور ایس ایس پی آپریشنز نے پولیس افسران کو الرٹ رہتے ہوئے جانفشانی سے ڈیوٹی سر انجام دینے پر شاباش دی
