جمعہ , 02 اکتوبر 2020ء
(254) لوگوں نے پڑھا
ضلعی انتظامیہ نے ڈسٹرکٹ ہیلتھ اتھارٹی کی سفارش پر مدینہ ٹاوٗن کی ایک فیملی کے چار بچوں سمیت 10 افراد میں کورونا وائرس کی تصدیق پرمتعلقہ گھر میں مائیکرو سمارٹ لاک لگانے کی منظوری دے دی۔ڈپٹی کمشنر محمد علی نے وائے بلاک مدینہ ٹائون میں متعلقہ فیملی کی رہائش گاہ پر انسداد کورونا ایس او پیز کے تحت مائیکروسمارٹ لاک ڈاوٗن پر موثر عملدرآمد کےلئے پولیس اور ہیلتھ افسران کو ٹاسک تفویض کیا ہے جبکہ گھر کو کورنٹائن ڈکلیئر کرکے مانیٹرنگ کی جارہی ہے۔ فیملی کے تین افراد کی حالت نازک بتائی جارہی ہے جو الائیڈ ہسپتال میں زیر علاج ہیں۔ڈپٹی کمشنر نے کہا کہ انسداد کورونا ایس اوپیز پر عملدرآمد یقینی بنایا جارہا ہے۔شہری احتیاطی تدابیر پر عمل جاری رکھیں کیونکہ کورونا کے خطرات ابھی موجود ہیں لہذا ذمہ داری سے احتیاط کی جائے۔