پیر , 07 ستمبر 2020ء
(192) لوگوں نے پڑھا
تفصیلات کے مطابق دنیا کی سب سے معتبر رینکنگ ایجنسی دی ٹائمز نے سال 2021ء کیلئے جاری کی گئی رینکنگ میں 93ممالک کی 1527جامعات کو 13پرفارمنس انڈیکیٹرز کی روشنی میں پرکھتے ہوئے درجہ بندی کا عمل مکمل کیا ہے جس کے مطابق زرعی یونیورسٹی فیصل آباد نے ماضی کے مقابلے میں خاطر خواہ بہتری کے ساتھ802ویں پوزیشن حاصل کی ہے۔ رینکنگ ایجنسی کی طرف سے دنیا بھر کی جامعات کو 13پرفارمنس انڈیکیٹرزکے تحت جن پانچ گروپس میں جامع اور معتدل پیمانوں پر جانچا ہے ان میں ٹیچنگ‘ ریسرچ‘ سائی ٹیشنز‘ انٹرنیشنل آؤٹ لک اور انڈسٹری انکم شامل ہیں۔ یاد رہے کہ امسال ملک کی 17جامعات کو مذکورہ رینکنگ میں شامل کیا گیا ہے اور زرعی یونیورسٹی نے پانچ گروپس میں سے ٹیچنگ اور انڈسٹری انکم کے پیمانوں پر ملک کی تمام جامعات میں سب سے زیادہ سکور حاصل کرکے سبقت حاصل کی ہے جو یقینی طو رپر اہم اور غیرمعمولی پیش رفت ہے۔ یونیورسٹی کے وائس چانسلر پروفیسر ڈاکٹر محمد اشرف نے حالیہ رینکنگ کو سراہتے ہوئے اس عزم کا اظہار کیا کہ جلد ہی یونیورسٹی کو دنیا کی 500بہترین جامعات کی فہرست میں شامل کیا جائے گا جس کیلئے ایک جامع اور پائیدار حکمت عملی پر عمل پیرا ہیں اور وہ اُمید رکھتے ہیں کہ دنیا کے دیگر رینکنگ سسٹم بھی اپنے پرفارمنس انڈیکیٹرزکے مطابق ہماری پیش رفت سے متاثر ہوکر رینکنگ میں خاطر خواہ بہتری لائیں گے۔
