بدھ , 30 ستمبر 2020ء
(349) لوگوں نے پڑھا
فیصل آباد کے تھانہ ٹھیکری والہ کے علاقہ 214 رب میں کھیت کی کھدائی کے دوران زنگ آلود ائیر کرافٹ بم برآمد ہوا ہے۔ اہل علاقہ نے بم برآمدگی کی اطلاع پولیس حکام کو دی جس پر تھانہ ٹھیکری والا پولیس جائے وقوعہ پو پہنچ گئی۔ پویس نے علاقہ کا گھیراؤ کرکے غیر متعلقہ افراد کے داخلہ پر پابندی لگا دی اور بم ڈسپوزل سکواڈ کو طلب کرلیا۔ ابتدائی تحقیقات سے معلوم ہوا ہے کہ برآمد ہونے والا بم ائیر کرافٹ بم ہے جو کہ 1965 اور 1971 کی جنگوں میں استعمال کئے گئے تھے۔ بم کا وزن تقریباً 750 پونڈ ہے۔ بم ڈسپوزل سکواڈ کے عملہ نے بم کو ناکارہ بنانے کا عمل شروع کردیا ہے۔
