بدھ , 26 مئی 2021ء
(452) لوگوں نے پڑھا
تحصیل چک جھمرہ کے تحصیل ہیڈ کوارٹر ہسپتال میں الٹرا ساؤنڈ کروانے کے لئے آنے والی خواتین کا الٹراساؤنڈ خاتون ڈاکٹر کے ڈیوٹی سے غائب ہونے پر مرد ڈاکٹر کے کرنے کا مبینہ طور پر انکشاف ہوا ہے۔ مریضوں کے ساتھ آنے والے افراد کا کہنا ہے کہ خاتون ڈاکٹر ہسپتال آنے کے بعد اکثر اوقات اپنی ڈیوٹی سے غائب رہتی ہیں۔ مبینہ طور پر خاتون ڈاکٹر کے بارے میں کہا جارہا ہے کہ ان کی ہسپتال ایم ایس سے دوستی ہے اور وہ ان کے ساتھ باتیں کرنے میں وقت گزارتی ہیں۔ عوام کا اس صورتحال پر کہنا تھا کہ ہسپتالوں میں خواتین کا الٹرا ساؤنڈ کسی صورت کوئی مرد ڈاکٹر نہیں کرسکتا اس صورتحال میں انتظامیہ کو فوری معاملے کی تحقیقات کرنی چاہیے تاکہ خواتین کے اور عوام کے تحفظات کا ازالہ کیا جاسکے عوام کا مزید کہنا تھا کہ تحقیقات کے نتیجے میں ملوث پائے جانے والے عناصر کے خلاف کارروائی عمل میں لائی جائے۔ علاوہ ازیں خاتون ڈاکٹر کے ڈیوٹی سے غائب رہنے پر ایک گزیٹڈ آفیسر نے بھی پرائم منسڑ پورٹل پر شکایت درج کر رکھی ہے۔