Naveed
ہفتہ , 23 جنوری 2021ء
(722) لوگوں نے پڑھا
تاندلیانوالہ میں افسوسناک حادثے میں تاندلیانوالہ شوگر ملز کنجوانی میں ورکر منیر احمد جو کہ چک نمبر 447 گ ب سمندری کا رہائشی تھا، مل کے اندر گرم تالاب میں گرکر جھلس کر جاں بحق ہوگیا۔ مزدور کی ہلاکت کے بعد گھر والوں پر قیامت ٹوٹ پڑی۔ مل انتظامیہ کے حوالے سے انکشاف ہوا ہے کہ انہوں نے لاش کو پرانے ناقابل استعمال ڈالے میں رکھ کر ورثاء کو دی ساتھ ساتھ 5 ہزار دینے کی پیشکش کی کہ مرحوم کا کفن دفن کرلیں۔ ایک مزدور جوکہ دوران ڈیوٹی ملز کے اندر جاں بحق ہو جاتا ہے اور جس کے چار چھوٹے بچے ہوں اس کے خاندان کے ساتھ اس طرح کا رویہ کسی طرح بھی اخلاق کے مطابق نہیں ہے۔ حکومت و انتظامیہ کو واقعے پر نوٹس لے کر شوگر ملز مالکان سے مزدور کے گھر والوں کے لئے مناسب وظیفہ کا بندوبست کروانا چاہیے۔
