Naveed
منگل , 23 جون 2020ء
(281) لوگوں نے پڑھا
تاندلیانوالہ (20 جون2019ء) واپڈا فیسکو کا لائن مین 11ہزار کے وی کی مین پاور ٹرانسمشن لائن پر کام کرتے ہوئے بجلی کا کر نٹ لگنے سے جاں بحق ہو گیا۔ریسکیو 1122فیصل آباد کے ترجمان نے بتایا کہ واپڈا فیسکو تاندلیانوالہ کا رہائشی لائن مین خضر حیات ولد محبوب عالم سکنہ چک ٹھٹھہ ساہیکا جھامرہ روڈ، جمعرات کے روز چک نمبر 407پنڈی شیخ موسیٰ تاندلیانوالہ میں 11ہزار کے وی کی مین پاور ٹرانسمشن لائن پر کام کر رہا تھا کہ اسے بجلی کا زور دار جھٹکا لگا۔ انہوں نے بتایاکہ کرنٹ کی شدت اتنی شدید تھی کہ لائن مین خضر حیات موقع پر ہی دم توڑ گیا۔ واقعہ کی اطلاع ملتے ہی فیسکو حکام اور پولیس و ریسکیو کی ٹیمیں جائے وقوعہ پر پہنچیں جہاں سے متوفی خضر حیات کی لاش ہسپتال منتقل کر دی گئی۔ بعد ازاں ضروری قانونی کاروائی کے بعد متوفی کی میت کو ورثاء کے حوالے کر دیا گیا۔
