Naveed
ہفتہ , 27 جون 2020ء
(314) لوگوں نے پڑھا
تاندلیانوالہ23(23 اکتوبر2018ء) گورنمنٹ ڈگری کالج برائے خواتین تاندلیانوالہ میں انجمن انسداد منشیات ڈسٹرکٹ ہیڈ کوارٹرز ہسپتال کے زیراہتمام نشہ کے نقصانات کے بارے میں آگاہی سیمینار منعقد کیا گیا جس کی صدارت پرنسپل کالج رقیہ کوثر نے کی جبکہ دیگر مہمانوں میں جنرل سیکرٹری انجمن انسداد منشیات محمدانوار خاں،کلینکل سائیکالوجسٹس ڈسٹرکٹ ہیڈ کوارٹرز ہسپتال زنیرہ مقصود، غلام مصطفیٰ نیازی، طیبہ آفتاب، چوہدری سمیع اللہ اور طالبات کی بڑی تعداد نے شرکت کی۔پرنسپل کالج نے کہا کہ نشہ کے خلاف معاشرے کے تمام طبقات کو یکجا ہونے کی ضرورت ہے تاکہ اس سماجی برائی کو جڑ سے ختم کیا جائے۔ انہوں نے کہا کہ انجمن انسداد منشیات معاشرے کو اس برائی سے بچانے کے لئے کردار ادا کرتا رہے گا۔ اس موقع پر کلینکل سائیکالوجسٹس نے نشہ کی اقسام،اس کے اثرات سے آگاہ کیااورکہا کہ آگاہی پروگرام کی بدولت نوجوانوں کو اصلاح کرنے کے مواقع ملیں گے۔
