Naveed
منگل , 23 جون 2020ء
(211) لوگوں نے پڑھا
تاندلیانوالہ (20ستمبر 2019ء) تاندلیانوالہ میں جلہ موڑ چوک پر ایک اور خطرناک حادثہ پیش آیا، تیز رفتار مزدا کی لوڈر رکشہ اور موٹرسائیکل کو ٹکر کے نتیجے میں چار افراد شدید زخمی ہوگئے جنہیں ریسکیو 1122 کے اہلکاروں نے فورا تحصیل ہیڈکوارٹر ہسپتال تاندلیانوالہ منتقل کیا۔ جہاں پر زخموں کی تاب نہ لاتے ہوئے ایک شخص جاں بحق ہوگیا، جاں بحق ہونے والے کی تاحال شناخت نہ ہوسکی۔اور ایک شدید زخمی کو فیصل آباد منتقل کردیا گیا، زخمیوں کی شناخت فخر عباس، حافظ نوید اور غلام عباس کے نام سے ہوئی۔ زخمیوں کا تعلق فیصل آباد، ساہیوال اور قصور سے ہے۔ تاندلیانوالہ جلہ موڑ چوک پر حادثات معمول بن چکے ہیں، آئے روز حادثات کی وجہ سے لوگ لقمہ اجل بن جاتے ہیں۔ مگر انتظامیہ اور منتخب نمائندوں کی جانب سے اس حوالے سے توجہ نہیں دی جارہی ہے۔
