جمعہ , 21 اگست 2020ء
(402) لوگوں نے پڑھا
ڈپٹی کمشنر فیصل آباد محمد علی کی ہدایت پر اسسٹنٹ کمشنر تاندلیانوالہ اسامہ شارون نیازی نے تحصیل ہیڈ کوارٹرز ہسپتال کا دورہ کرکے صفائی ستھرائی اور انتظامی وطبی امور کا جائزہ لیا ۔ اس موقع پر ہسپتال کے عملے نے انہیں بریفنگ دی ۔ اسسٹنٹ کمشنر شارون نیازی کا کہنا تھا کہ صحت کی بہترین سہولیات عوام تک پہنچانا حکومت کی ذمہ داری ہے۔ انہوں نے کہا کہ کوشش ہے کہ ہسپتال کو پہلے سے بہتر کیا جائے تاکہ عوامی مشکلات کا ازالہ ہوسکے ۔
