چک نمبر 514 گ ب میں اعجاز احمد کے قتل کا ملزم گھر کا ہی فرد نکلا

چک نمبر 514 گ ب میں گزشتہ دنوں ہونے والے اندوہناک قتل کا ملزم پکڑا گیا۔ ملزم گھر کا ہی فرد نکلا۔ تفصیلات کے مطابق گزشتہ دنوں کاروباری شخصیت اعجاز احمد کی تشدد سے ہلاکت کا واقعہ سامنے آیا تھا جن کے ملزم نہیں مل پارہے تھے۔ اب پولیس نے ملزمان کا سراغ لگالیا ہے۔ پولیس کے مطابق مقتول کی بیوی اور سالی نے مل کر اسے قتل کیا۔ پولیس کا کہنا تھا کہ مقتول نے اپنے سسرالیوں کو 50 لاکھ ادھار دے رکھے تھے جن کا وہ ابھی تقاضا کررہا تھا گزشتہ روز جب وہ دوکان سے گھر گیا تو اسکی سالی سدرہ دختر رفیق جو گزشتہ چھ ماہ سے اعجاز کے گھر ہی رہ رہی تھی، نے اعجاز کے سر میں ڈنڈا مارا جس سے وہ بیہوش ہو گیا تو اس نے اپنی بہن قیصرہ بی بی جو مقتول اعجاز کی اہلیہ تھی کی مدد سے اعجاز کا گلا دبا کر اسے جان سے مارڈالا۔ مقتول کی سالی اور اور بیوی کا پہلے بیان تھا کہ مقتلول باہر سے ہی زخمی حالت میں آیا تھا جس پر وہ جاں بحق ہوگیا۔ ایس ایچ او محمد ارشد کھرل نے مقتول کی بیوی اور سالی کو حراست میں لیکر تفتیش کی تو دونوں ملزمان خواتین نے  قتل کا اعتراف جرم کرلیا۔ ملزمہ مقتول کی سالی سدرہ نے الزام لگایا کہ مقتول اس سے زیادتی کرنا چاہتا تھا جس پر مزاحمت کے دوران مقتول کی ہلاکت ہوئی۔