چک نمبر 399 گ ب کا رہائشی خانیوال میں قتل

چک نمبر 399 گ ب کے رہائشی کو خانیوال میں قتل کردیا گیا اور قتل کا الزام بھی کسی اور پر نہیں مقتول کی اپنی بیوی پر ہے۔ مقتول اشفاق سہو کا بھائی انصاف کے لئے دربدر ہوگیا، انصاف نہ ملنے پر ڈی پی او آفس کے سامنے احتجاجی دھرنا دینے کی بھی دھمکی دے ڈالی۔ بھائی نے اپنے بھائی کے قتل کا الزام اپنی بھابھی اس کے میکے والوں اور آشنا پر لگایا اس کے مطابق میرے بھائی کی بیوی نے 15 لاکھ کی لالچ میں اپنے خاوند کو قتل کیا جو وہ تاندلیانوالہ میں اپنا گھر بیچ کر لایا تھا اس کا مذید کہنا تھا کہ اس کے بھائی محمد اشفاق سہو نے 11 سال قبل خانیوال کے نواحی گاؤں چک 41 ٹن آر کے رہائشی مستری یاسین کی بیٹی نادیہ سے شادی کی تھی جبکہ دو سال قبل وہ اپنی جائداد بیچ کر خانیوال مقیم ہوگیا تھا۔ کچھ دنوں پہلے مقتول کو اس کی بیوی اور سسرالیوں نے کالا پتھر کھلادیا جس سے اس کی حالت غیر ہوگئی مقتول کے پڑوسیوں نے بھی اس بات کی تصدیق کی۔ مقتول کے ورثاء کا کہنا تھا کہ پولیس ٹال مٹول سے کام لے رہی ہے اور مجرمان کے خلاف ایکشن نہیں لے رہی ہے انہوں نے وزیر اعلیٰ پنجاب ،آئی جی پنجاب، ایڈیشنل آئی جی جنوبی پنجاب آرپی او سے فوری ایکشن لینے کا مطالبہ کرڈالا بصورت دیگر وہ وزیراعلیٰ پنجاب ہاؤس کے سامنے دھرنا دیں گے۔