Naveed
منگل , 23 جون 2020ء
(346) لوگوں نے پڑھا
تاندلیانوالہ (21 جنوری2020ء) تاندلیانوالہ کے علاقہ فتح گڑھ پتن پل کے قریب تیز رفتار بس ٹریکٹر ٹرالی کی ٹکر لگنے سے دریائے راوی میں گرنے سے ایک خاتون سمیت 3افراد جاں بحق ہوگئے۔ جبکہ متعدد مسافر زخمی ہوگئے۔ ریسکیو کی ٹیموں نے موقع پر پہنچ کر زخمی مسافروں کو تشویشناک حالت میں ہسپتال منتقل کیا۔بتایا جاتا ہے کہ ڈائیو کمپنی کی بس ساہیوال سے فورٹ عباس جا رہی تھی کہ جب وہ تاندلیانوالہ کے علاقہ فتح گڑھ کے قریب دریائے راوی کا پل کراس کرتے ہوئے شیراز پتن کے قریب پہنچی تو مخالف سمت سے آنے والی تیز رفتار ٹریکٹر ٹرالی سے ٹکرا کر دریائے راوی میں جاگری جس کے افسوسناک واقعہ میں خاتون سمیت تین مسافر موقع پر جاں بحق ہوگئے جبکہ ڈیڑھ درجن کے قریب مسافر بری طرح زخمی ہوگئے ریسکیو کی ٹیم نے اطلاع ملتے ہی موقع پر پہنچ کر امدادی کاروائیوں کا آغاز کرتے ہوئے زخمی مسافروں کوطبی امداد دی اور ہسپتال منتقل کیا۔
