Naveed
جمعہ , 26 جون 2020ء
(117) لوگوں نے پڑھا
لاہور (11 جنوری2018ء) تاندلیانوالہ شوگر ملز سے پیدا ہونے والی فضائی آلودگی کے خلاف لاہور ہائیکورٹ میں درخواست دائرکر دی گئی۔لاہور ہائیکورٹ میں شہری رانا محمد سعید کی جانب سے دائر کی گئی درخواست پنجاب حکومت ڈی جی ماحولیات اور تاندلیانوالہ شوگر ملز کو فریق بناتے ہوئے موقف اختیار کیا گیا ہے کہ تاندلیانوالہ شوگر ملز سے فیصل آباد کے متعدد دیہاتوں میں فضائی اور آبی آلودگی پیدا ہو رہی ہے جبکہ شوگر ملز کے فضلے سے مقامی افراد ہیپاٹائٹس اور دیگر موذی امراض میں مبتلا ہو رہے ہیں، درخواست میں الزام عائد کیا گیا ہے کہ محکمہ ماحولیات بھی اس حوالے سے کوئی کاروائی نہیں کر رہا ہے لہٰذا ڈی جی ماحولیات کو تاندلیانوالہ شوگر ملز سے پیدا ہونے والی ماحولیاتی آلودگی پر قابو پانے کیلئے اقدامات کرنے کا حکم دیا جائے۔
