Naveed
بدھ , 24 جون 2020ء
(120) لوگوں نے پڑھا
تاندلیانوالہ (26 جون2019ء) تاندلیانوالہ کے علاقہ اوکاڑ ہ روڈ پر بودیانوالہ دربار کے قریب بدھ کی صبح سوزوکی بولان گاڑی اور چکن لوڈر مزدا ٹرک کے تصادم کے نتیجہ میں بیٹا جاں بحق جبکہ اس کے والد، والدہ اور تین بہنوں سمیت 10 دیگر افرد شدید زخمی ہو گئے۔ ریسکیو 1122 کے ترجمان نے بتایاکہ سوزوکی بولان گاڑی پر سوار ایک ہی خاندان کے افراد جو دیپالپور کے رہائشی ہیں دیپالپور سے تاندلیانوالہ جا رہے تھے جب ان کی گاڑی اوکاڑہ روڈ پر بودیانوالہ دربار کے قریب پہنچی تو مخالف سمت سے آنے والے تیز رفتار چکن لوڈر مزدا ٹرک نے بے قابو ہو کر سوزوکی بولان گاڑی سے ٹکڑاگئی جس کے نتیجہ میں ایک شخص عبداللہ موقع پر ہی جاں بحق جبکہ تین مزدا سوار 27 سالہ ذیشان، 35سالہ محمد شہزاد، 35سالہ محمد اقبال اور ایک ہی خاندا ن کے 7افراد محمد مشتاق اور زوجہ میمونہ مشتاق ، گاڑی ڈرائیو اور دختر محمد مشتاق شازیہ، ماریہ، حفیفہ شامل ہیں جبکہ بریرہ ابو الحسن زوجہ ابو الحسن اور حذیفہ دختر محمد اسلم شدید زخمی ہو گئے۔واقعہ کی اطلاع ملتے ہی انتظامی و پولیس حکام اور ریسکیو 1122کی ٹیمیں جائے حادثہ پر پہنچیں جبکہ زخمیوں کو فوری طبی امداد کیلئے تحصیل ہیڈ کوارٹر ہسپتال تاندلیانوالہ داخل کروا دیا گیا ہے جہاں انہیں ضروری علاج معالجہ کی سہولت فراہم کی جا رہی ہے۔دوسری جانب پولیس تھانہ تاندلیانوالہ نے مزدا ڈرائیور کے خلاف مقدمہ درج کر کے تفتیش شروع کر دی ہے۔"
