Naveed
جمعہ , 26 جون 2020ء
(182) لوگوں نے پڑھا
تاندلیانوالہ (23 اپریل2020ء) سی پی او کیپٹن (ر) سہیل چوہدری کی ہدایت پر سوشل میڈیا پر اسلحہ کی نمائش کی تصاویر وائرل کرنیوالے 6 افراد پکڑلیے گئے سٹی تاندلیانوالہ پولیس نے پکڑے جانے والے ملزمان کے خلاف مقدمہ درج کرکے باز پرس شروع کردی۔پولیس کے مطابق سٹی تاندلیانوالہ کے علاقہ میں نوجوان آتشیں اسلحہ سے لیس ہوکر تصاویر سوشل میڈیا پر وائرل کی تو پولیس نے ان کے خلاف کارروائی عمل میں لاتے ہوئے 6دوستوں سلیمان‘ملک ناظم ‘باسط‘بہادر علی‘محسن اور شاہد کو حراست میں لیکر ان کے قبضہ سے 243بور کی رائفل‘دو رپیٹر بندوق اور 30 بور پسٹل برآمد کرکے ان کو حوالات میں بند کردیا جبکہ وہ اسلحہ کا اجازت نامہ اور لائسنس پیش نہ کر سکے جس پر ان کے خلاف کارروائی عمل میں لاتے ہوئے مقدمہ درج کرکے تفتیش شروع کردی ہے۔
