Staff Reporter
پیر , 16 نومبر 2020ء
(815) لوگوں نے پڑھا
شورکوٹ کینٹ، شاعر مشرق علامہ ڈاکٹر محمد اقبال کے پوتے، سینیٹر ولید اقبال نے شورکوٹ کینٹ میں پریذیڈنٹ کنٹونمنٹ بورڈ ائیر کموڈور سید گوہرالحسن شاہ کی دعوت پر رفیقی شہید ویلفئیر ہسپتال کا دورہ کیا اس موقع پر انہوں نے ڈائیلسز یونٹ، ایمرجنسی وارڈز، سمیت رفیقی ہسپتال کے مختلف شعبہ جات کا جائزہ لیا اور ہسپتال کی صحت سے متعلق شہر کیلئے جاری سہولیات پر اطمینان کا اظہار کیا اس موقع پر وائس پریذیڈنٹ کنٹونمنٹ بورڈ اور جنرل سیکرٹری رفیقی ٹرسٹ ہسپتال ساجد اشرف گجر نے تمام شعبہ جات اور مریضوں کو دی جانے والی سہولیات پر بریفنگ دی جس پر انہوں نے بھی ہسپتال کے مستقبل کے منصوبہ جات کی تکمیل کیلئے ہر ممکن تعاون کا اعادہ کیا۔
