Staff Reporter
بدھ , 16 ستمبر 2020ء
(453) لوگوں نے پڑھا
دیکھا گیا ہے کہ تحصیل ہیڈکوارٹر ہسپتال میں ڈلیوری ہونے پر ملازمین کی جانب سے بچہ کے گھر والوں سے مبارکباد کے نام پر بے تحاشا رقم مانگے جانے لگی ہے۔ تحصیل ہیڈ کوارٹر ہسپتال میں ایسے کئی لوگ آتے ہیں جن کی روزمرہ آمدنی کم ہوتی ہے اوپر سے اس قسم کے مطالبہ سراسر ناجائز ہے۔ ڈلیوری کے موقع پر ایک طرف اتنا زیادہ خرچ ہوجاتا ہے ساتھ ساتھ اس قسم کے اضافی اخراجات والدین پر مذید بوجھ کا باعث بن رہے ہیں۔ اس سلسلے میں کچھ لوگوں کو پریشان بھی دیکھا گیا ہے یہ ملازمین انتہائی دھڑلے سے پیسے مانگتے ہیں جیسے یہ ان کا حق ہے۔ اس حوالے سے لوگوں کا کہنا تھا کہ یہ بات ایم ایس کے بھی علم ہے مگر ناجانے اس معاملے پر کوئی کاروائی کیوں عمل میں نہیں آرہی۔ لوگوں نے انتظامیہ سے درخواست کی ہے غریب لوگوں کو اس مسئلے سے نجات دلائی جائے۔
