پیر , 28 دسمبر 2020ء
(494) لوگوں نے پڑھا
لالیاں اور اسکے گردونواح میں چوری کی وارداتوں میں آئے دن اضافہ ہوتا جارہا ہے ان چوروں سے عام عوام تو ایک طرف پولیس بھی محفوظ نظر نہیں آتی۔ محلہ جامع مسجد کے رہائشی پولیس اہلکار نے اپنی موٹر سائیکل گھر کے باہر کھڑی کرکے گھر کے اندر چلا گیا جب گھر سے باہر نکلا تو اس وقت تک چوراسکی موٹر سائیکل لے جا چکے تھے۔ پولیس نے مقدمہ درج کرکے چوروں کی تلاش شروع کردی ہے جنہیں تاحال تلاش نہیں کیا جاسکا۔ جبکہ دوسری واردات میں محلہ ریلوے سٹیشن کے رہائشی اورنگزیب نسوآنہ نامی شخص کے گھر میں چوری کی واردات ہوئی جس میں چوروں نے گھر کے تالے توڑ کر طلائی زیورات سمیت لاکھوں کا گھریلو سامان چوری کر لیا۔ واقعہ کی اطلاع ملنے پر تھانہ لالیاں کے اہلکاروں نے موقع واردات کا جائزہ لے کر ابتدائی تحقیقات کا آغاز کر دیا۔
